حکومت 50 سال کا توشہ خانہ کا ریکارڈ کیوں نہیں دے رہی، اسد عمر

لاہور (قدرت روزنامہ)پاکستان تحریک انصاف (پی ٹی آئی) کے رہنما اسد عمر کا کہنا ہے کہ عدالت نے جو 50 سال کا توشہ خانہ کا ریکارڈ مانگا تھا، حکومت ابھی تک کیوں نہیں دے رہی؟ سماجی رابطے کی ویب سائٹ ٹوئٹر پر جاری کیے گئے بیان میں اسد عمر نے کہا کہ کانپیں ٹانگ رہی ہیں کہ سب چور بے نقاب ہو جائیں گے؟

انہوں کہا کہ لارج اسکیل مینوفیکچرنگ کے 15شعبوں میں جولائی تا نومبر ترقی کی شرح منفی رہی، لارج اسکیل مینوفیکچرنگ کے 4 شعبوں میں صفر نمو ہے۔

اسد عمر کا کہنا ہے کہ لارج اسکیل مینوفیکچرنگ پچھلے سال کے مقابلے میں سکڑتی جا رہی ہے، ہر گزرتا دن پاکستان کو مزید تباہی میں دھنسا رہا ہے۔