چوہدری نثار کا بانی پی ٹی آئی اور ن لیگی قیادت پر تنقید سے گریز

راولپنڈی (قدرت روزنامہ)سابق وزیر داخلہ اور سینئر سیاستدان چوہدری نثار علی خان نے بانی تحریک انصاف اور ن لیگی قیادت پر تنقید کرنے سے گریز کیا ہے۔راولپنڈی کے علاقے دھمیال میں جلسے سے خطاب میں چوہدری نثار علی خان نے کہا کہ بانی پی ٹی آئی میرے دوست ہیں میں ان پر تنقید نہیں کرنا چاہتا۔
انہوں نے کہا کہ مسلم لیگ ن میں 35 سال رہا، ان پر بھی تنقید نہیں کرنا چاہتا، کسی پر تنقید کر کے ووٹ نہیں لینا چاہتا میں اپنے کردار پر ووٹ لینا چاہتا ہوں۔ چوہدری نثار علی خان نے مزید کہا کہ میرے اوپر کرپشن کا کوئی داغ نہیں ہے۔