سنکیانگ میں مختلف قومیتوں کے مساوی حقوق و مفادات کی ضمانت سے متعلق وائٹ پیپر کا اجرا

(قدرت روزنامہ)چین کی ریاستی کونسل کے پریس دفتر نے چودہ تاریخ کو سنکیانگ میں مختلف قومیتوں کے مساوی حقوق و مفادات کی ضمانت سے متعلق وائٹ پیپر جاری کیا جس کے مطابق ستر سے زائد برسوں میں سنکیانگ میں انسانی حقوق کو مسلسل نئی ترقی حاصل ہورہی ہے . زندگی کے بنیادی حقوق کی موئثر ضمانت فراہم کی گئی ہے .

اور اپنی مرضی سے زندگی گزارنے کے حق کا احترام اور تحفظ کیا گیا ہے . سنکیانگ میں مختلف قومیتوں کے سیاسی حقوق و مفادات برابر ہیں . تیز رفتار اقتصادی و سماجی ترقی کے ساتھ عوامی زندگی کو بہتر بنانے کی بڑی کوشش کی جا رہی ہے اور مختلف قومیتوں کو مساوی ترقیاتی مواقع حاصل ہیں . مختلف قومیتوں کی روایتی ثقافت کو تحفظ فراہم کیا گیا ہے اور تعلیم کے حق کی ٹھوس ضمانت دی گئی ہے . تمام باشندوں کو سماجی فلاح و بہبود کے نظام میں شامل کیا گیا ہے اور خواتین و بچوں کے تحفظ کو مستحکم طور پر فروغ دیا جارہا ہے . وائٹ پیپر میں اس بات پر زور دیا گیا ہے کہ سنکیانگ میں معمول کی مذہبی سرگرمیوں کو قانونی تحفظ فراہم کیا گیا ہے اور بنیادی مذہبی آزادی کو یقینی بنایا گیا ہے . . .