پشاور (قدرت روزنامہ) خیبرپختونخوا میں بارش اور لینڈ سلائیڈنگ کے باعث حادثات میں 10افراد جاں بحق ہو گئے ، صوبے میں 17گھروں کو جزوی جبکہ ایک گھر کو مکمل طور پر نقصان پہنچا ۔چیف سیکرٹری کی خصوصی ہدایت پر ڈی جی پی ڈی ایم اے نے شانگلہ کے متاثرہ علاقوں کا دورہ کیا اور ضلعی انتظامیہ کو امدادی کارروائیاں مزید تیز کرنے کی ہدایت جاری کر دی گئیں ۔پی ڈی ایم اے کے مطابق متاثرین کو سہولیات فراہم کرنے کیلئے وسائل کو استعمال کر رہے ہیں ۔ادھر بلوچستان میں بھی بارشوں کے بعد ریلیف آپریشن
جاری ہے ،پی ڈی ایم اے نے ہنگامی بنیادوں پر امدادی سرگرمیاں شروع کر رکھی ہیں ،سوارب کے علاقے کیلئے ، سبی کیلئے ، چاغی کے خاندانوں کیلئے سامان روانہ کیا گیا ہے ۔ڈی جی پی ڈی ایم اے کے مطابق وزیر اعلیٰ بلوچستان ، صوبائی وزیر داخلہ کے احکامات پر سامان کی ترسیل جاری کی گئی ،سبی تفتان ، کوہلو و دیگر علاقوں میں بھی سامان کی ترسیل کر دی گئی ۔ ایمرجنسی کیلئے تمام اضلاع کے ڈی سیز کو فنڈز جاری کر دیے گئے ، ڈی سیز تمام پکنک پوائنٹس پر دفعہ 144 نافذ کریں ۔محکمہ موسمیات کے مطابق آج کشمیر، پنجاب، خیبر پختو نخوا، اسلام آباد، گلگت بلتستان، بلوچستان اور سندھ میں تیز ہواؤں اور گرج چمک کےساتھ مزید بارش کی توقع ہے ۔اس دوران جنوبی پنجاب، زیریں خیبر پختونخوا ،بالائی سندھ اور شمال مشرقی بلوچستان میں کہیں کہیں موسلادھار بارش کی بھی پیش گوئی ہے ۔
(قدرت روزنامہ)پاکستان کرکٹ بورڈ (پی سی بی) نے پی ایس ایل کے دسویں ایڈیشن کی…
ٹھٹھہ (قدرت روزنامہ)سربراہ جے یوآئی ف مولانا فضل الرحمان کا کہنا ہے کہ اس وقت…
لاہور (قدرت روزنامہ )وزیر اعلیٰ مریم نواز نے پنجاب بھر کے لئے فری میڈیسن ڈلیوری…
اسلام آباد (قدرت روزنامہ)آڈیو لیکس کیس میں اسلام آباد ہائیکورٹ نے ڈی جی آئی بی،…
شکر گڑھ (قدرت روزنامہ) وفاقی وزیراحسن اقبال کا کہنا ہے کہ نگران وزیراعظم کے بیان…
اسلام آباد (قدرت روزنامہ)گندم درآمد سکینڈل کی تحقیقاتی کمیٹی نے سابق نگران وزیر خزانہ ڈاکٹر…