عمران خان کی عقل اور کردار ایم پی اے، ایم این اے بننے کے بھی قابل نہیں تھے، جواد احمد

لاہور(قدرت روزنامہ) برابری پارٹی کے سربراہ اور گلوکار جواد احمد نے بانی پاکستان تحریک انصاف عمران خان پر تنقید کرتے ہوئے کہا ہے کہ عمران خان فوج کے ملازم تھے اور فوائد حاصل کرنے کے بعد جب کوئی ملازم اپنے مالک سے لڑائی کرتا ہے تو اس کے ساتھ ایسا ہی سلوک ہوتا ہے۔
سماجی رابطے کے پلیٹ فارم ’ایکس ‘ پراپنے بیان میں جواد احمد کا مزید کہنا تھا کہ عمران خان کے سیاسی ماضی کا حوالہ دیتے ہوئے کہا کہ ورلڈ کپ جیتنے اور ہسپتال بنانے کے باوجود عمران خان 1997 کے انتخابات میں اپنی تمام آٹھ نشستیں ہار گئے تھے۔
عمران خان کی عقل، کردار اور حیثیت ایسی نہیں تھی کہ وہ رکن صوبائی اسمبلی (ایم پی اے) یا رکن قومی اسمبلی (ایم این اے) بھی بن سکتے، لیکن انہیں وزیراعظم بنا دیا گیا۔

عمران بوٹ پالشیا فوج کا نمک حرام ملازم تھا۔ فائدے اٹھانے کے بعد ملازم اپنےمالک سے لڑائی کرےتو اسکے ساتھ ایسا ہی سلوک ہوتا ہے۔ ورلڈ کپ اور ہسپتال کے باوجود 1997 میں یہ اپنی پوری 8 سیٹیں ہار گیا تھا۔ عمران کی عقل، کردار اور اوقات MPA,MNA بننے کی بھی نہیں تھی جسے وزیراعظم بنایا گیا۔

— Jawad Ahmad (@jawadahmadone) October 7, 2026

برابری پارٹی کے سربراہ نے عمران خان کی سیاسی جدوجہد اور اقتدار تک پہنچنے کے پس منظر پر سوالات اٹھاتے ہوئے ان کے کردار اور سیاسی صلاحیتوں کو تنقید کا نشانہ بنایا۔ واضح رہے کہ جواد احمد ماضی میں بھی عمران خان اور پاکستان تحریک انصاف کی سیاست پر تنقید کرتے رہے ہیں۔