سالی کا انتقال، شاہد آفریدی کی ابتدائی میچز میں شرکت مشکوک

کراچی(قدرت روزنامہ) قومی کرکٹ ٹیم کے سابق کپتان اور پی ایس ایل 7 میں کوئٹہ گلیڈی ایٹرز کی نمائندگی کرنے والے شاہد آفریدی کی سالی کا انتقال ہوگیا . شاہد آفریدی گزشتہ رات سے کمر کی شدید تکلیف میں بھی مبتلا ہیں اور انہوں نے بائیو سیکیور ببل سے باہر جانے کی درخواست بھی کی ہے .

ذرائع کا بتانا ہے کہ شاہد آفریدی نے درخواست کوئٹہ گلیڈی ایٹرز کی ٹیم مینجمنٹ کو دی ہے .
شاہد آفریدی کی انجری کے باعث پی ایس ایل کے ابتدائی میچز میں اُن کی شرکت مشکوک ہوگئی ہے .

خیال رہے کہ پی ایس ایل 6 میں بھی شاہد آفریدی نے انجری کے باعث ملتان سلطانز کے میچز سے سبکدوشی کا اعلان کیا تھا . واضح رہے کہ سنسنی خیز میچز سے بھرپور پی ایس ایل 7 کا آغاز جمعرات سے ہو رہا ہے . ایونٹ میں ملتان سلطانز اپنے اعزاز کا دفاع کرے گی، پی ایس ایل کا فائنل میچ 27 فروری کو کھیلا جائے گا .