وزیراعظم عمران خان کے قریبی ساتھی بغاوت کے لیے تیار ہیں
منظور وسان نے پیشگوئی کی کہ شاہ محمود قریشی دوسری پارٹی بنانے کے چکر میں ہیں لیکن وہ دوسری پارٹی نہیں بنا سکتے،اور اگر وہ دوسری پارٹی نہ بنا سکے تو کسی پارٹی میں چلے جائیں گے . جب کہ علیم خان اور جہانگیر ترین سمیت دیگر ساتھی عمران خان سے بغاوت کر چکے ہیں اور مزید باغی آئندہ سال منظر عام پر آئیں گے . جو ساتھیوں سمیت بغاوت کا اعلان کریں گے . احتساب کا سلسلہ چل پڑا ہے اور کوئی نہیں بچے گا . آج اپوزیشن کی پکڑ دھکڑ ہے،2022 میں حکومتی اراکین کی پکڑ دھکڑ ہو گی . پی پی رہنما نے کہا کہ عمران خان پنجاب میں بلدیاتی انتخابات نہیں کرائیں گے اور کوئی بہانہ بنا کر اگلے سال عام انتخابات کا اعلان کریں گے . تمام سیاسی جماعتیں الیکشن کی تیاری کر لیں کیونکہ اگلے سال اکتوبر تک الیکشن دیکھ رہا ہوں . سال 2022میں جس کی حکومت بنے گی عمران خان کے ساتھی اسی حکومت میں آ جائں گے . عمران خان کے زوال کا وقت شروع ہو گیا ہے . ان کے ہارنے کا وقت ہے،م وہ کھیل نہیں سکتے تو کتیں گے کیسے . قبل ازیں انہوں نے کہا کہ خواب دیکھا ہے کہ 2022 کے اکتوبر میں الیکشن ہوں گے، عوام کی عمران سے جان چھوٹ جائیگی . میڈیا سے گفتگوکرتے ہوئے انہوں نے کہاکہ پہلے بھی بتا چکا ہوں کے عمران خان خود ہی چلا جائیگا حالات ایسے بن جائیں گے . پی ڈی ایم کی پیپلزپارٹی کے بغیر کوئی اہمیت نہیں اور نہ ہی کوئی طاقت ہے . . .
