کراچی میں 29 اور 30 جولائی کو موسلادھاربارش کا امکان

کراچی(قدرت روزنامہ)کراچی میں پیر اور منگل کو موسلادھاربارش کا امکان ہے۔محکمہ موسمیات ارلی وارننگ سینٹر نے پیش گوئی کرتے ہوئے بتایا کہ طاقتور مون سون ہواؤں کا سلسلہ 28 جولائی کی رات سندھ میں داخل ہوسکتا ہے۔
29 اور 30 جولائی کے درمیان کراچی ڈویژن میں گرج چمک کے ساتھ بارش کا امکان ہے۔ شہر قائد میں کچھ مقامات پر موسلادھاربارش بھی ہوسکتی ہے۔
محکمہ موسمیات کا کہنا ہے کہ 28 جولائی کی شام/ رات سے 30 جولائی تک دیہی سندھ کے مختلف اضلاع میں گرج چمک کے ساتھ بارش ہونے کی توقع ہے۔