ایزی پیسہ صارفین کیلئے بڑی خوشخبری آگئی

کراچی (قدرت روزنامہ) پاکستان میں چھوٹے اور درمیانے کاروبار (SMEs) کے لیے ایک نئی سہولت متعارف کرائی گئی ہے۔ یہ سہولت ٹیلی نار مائیکرو فنانس بینک کے معروف موبائل بینکنگ پلیٹ فارم ایزی پیسہ اور معروف فن ٹیک FINJA کے تعاون سے فراہم کی گئی ہے۔
اس نئے پلیٹ فارم، جسے ’’ایزی بزنس‘‘ پورٹل کا نام دیا گیا ہے، کا مقصد پاکستان میں ایس ایم ایز کے روزمرہ کے کاروباری آپریشنز کو بااختیار بنانا اور ان کے مستقبل کے ترقی کے امکانات کو بڑھانا ہے۔
اس پورٹل کے ذریعے کاروباری افراد بینک کی جانب سے فراہم کی جانے والی مصنوعات اور خدمات کے بارے میں تفصیلی معلومات حاصل کر سکیں گے اور اپنے کاروبار کو آسانی سے منظم کر سکیں گے۔
ایزی بزنس پورٹل میں کاروباری صارفین کے لیے مختلف کیش مینجمنٹ ٹولز، مالی منصوبہ بندی کے حل، اور دیگر اہم کاروباری سہولیات موجود ہیں، جو ایس ایم ایز کو مارکیٹ میں مضبوط اور مؤثر بنانے میں مدد فراہم کریں گے۔
ٹیلی نار مائیکرو فنانس بینک اور FINJA کے نمائندے نے مشترکہ بیان میں کہا کہ یہ اقدام پاکستان میں چھوٹے اور درمیانے کاروبار کے لیے ایک اہم سنگِ میل ہے اور اس سے ملکی معیشت میں بھی مثبت اثرات مرتب ہوں گے۔