مسلم لیگ ن اور پی ٹی آئی کا کل اسپیکر آفس میں مذاکرات پر اتفاق

اسلام آباد (قدرت روزنامہ)مسلم لیگ ن اور پاکستان تحریک انصاف (پی ٹی آئی) نے کل اسپیکر قومی اسمبلی کے آفس میں مذاکرات کے لیے اکٹھے ہونے پر اتفاق کرلیا۔
جیو نیوز کے پروگرام کیپٹل ٹاک میں وزیر مملکت بیرسٹر عقیل ملک نے تحریک انصاف کو مذاکرات کی دعوت دی جو تحریک انصاف کے شفقت عباس اعوان نے قبول کرلی۔
وزیر مملکت بیرسٹر عقیل ملک نے تحریک انصاف کو مذاکرات کی دعوت دیتے ہوئے وعدہ کیا کہ وہ آج رات ہی اسپیکر ایازصادق سے رابطہ کرکے کہیں گے کہ کل تحریک انصاف سے مذاکرات شروع کیے جائیں۔
اس پر تحریک انصاف کے شفقت عباس اعوان نے کہا کہ محمود اچکزئی، راجا ناصر عباس اور تحریک انصاف کی سینئر لیڈر شپ مذاکرات کے لیے کل اسپیکر آفس یا کمیٹی روم نمبر 5 جہاں کہا جائے گا پہنچ جائیں گے۔