خلیجی ملک میں غیرملکی ملازمین کو بھرتی کرنے کیلیے نئے قوانین

عمان (قدرت روزنامہ)عمان نے جنوری 2027 سے غیر ملکی بھرتی ایجنسیوں کے لیے سخت قوانین متعارف کرائے ہیں۔

عمان نے تارکین وطن کارکنوں کی بھرتی کے حوالے سے سخت ضابطے متعارف کرائے ہیں جس میں ایجنسیوں کو انشورنس کوریج فراہم کرنے، مخصوص معاملات میں آجروں کو رقم کی واپسی اور 45 دنوں کے اندر بھرتی کے طریقہ کار کو مکمل کرنا ضروری قرار دیا گیا ہے۔

نئے قواعد یکم جنوری 2027 سے نافذ ہوں گے جس میں اس شعبے کو ریگولیٹ کرنے اور آجروں اور کارکنوں کے حقوق کے تحفظ کی کوششوں کے ایک حصے کے طور پر ریکروٹمنٹ ایجنسیوں پر مالی ضمانتیں اور لائسنسنگ کی ضروریات پوری کریں گے۔

ضوابط کے تحت، آجر کسی کارکن کے ملازمت شروع کرنے کے بعد پہلے 90 دنوں کے دوران مخصوص حالات میں بھرتی سروس فیس کی مکمل واپسی کے حقدار ہیں، جب تک کہ وہ متبادل کارکن فراہم کرنے کے لیے ایجنسی سے اتفاق نہ کریں۔

گھریلو ملازمین کے لیے، آجر ابتدائی 90 دن کی مدت کے بعد اور دو سال تک کی جزوی رقم کی واپسی کے لیے بھی اہل ہو سکتے ہیں۔

ضوابط کے تحت ایجنسیوں کو پابندی کیا گیا ہے کہ وہ بھرتی کیے گئے کارکنوں کو بھرتی سروس کنٹریکٹ پر دستخط کرنے کے 45 دنوں کے اندر اندر عمان میں لائیں، بشرطیکہ اس سے کم مدت پر اتفاق نہ ہو جائے۔

بھرتی کرنے والی ایجنسیوں کو چاہیے کہ وہ RO5,000 کی مالی گارنٹی وزارت محنت کے پاس جمع کرائیں اور لائسنس کے لیے RO300 ادا کریں جو دو سال کے لیے کارآمد ہے۔