ملک کے خلاف دھمکیاں دے کر حد سے تجاوز نہ کریں، وزیراعظم نے عمران خان کو خبردار کردیا

اسلام آباد (قدرت روزنامہ)وزیراعظم شہباز شریف نے کہا ہے کہ یہاں معاہدوں پر دستخط ہورہے ہیں اور وہاں ملک کو دھمکیاں دی جارہی ہیں .
سماجی رابطے کی ویب سائٹ پر وزیراعظم شہباز شریف نے پاکستان تحریک انصاف کے چیئرمین عمران خان کے حالیہ انٹڑویو پر بات کی ہے .

While I am in Turkey inking agreements, Imran Niazi is making naked threats against the country. If at all any proof was needed that Niazi is unfit for public office, his latest interview suffices. Do your politics but don't dare to cross limits & talk about division of Pakistan.

— Shehbaz Sharif (@CMShehbaz) June 2, 2022

وزیراعظم نے اپنے پیغام میں کہا کہ عمران نیازی کا حالیہ انٹرویو کسی بھی عوامی عہدے کے لئے نااہلی کا واضح ثبوت ہے . وزیراعظم نے مزید کہا کہ میں ترکی کے ساتھ اہم معاہدوں پر دستخط کررہا ہوں اور وہاں عمران نیازی صاحب ملک کو دھمکیاں دے رہے ہیں .
وزیراعظم نے عمران خان کو مخاطب کرتے ہوئے کہا کہ آپ اپنی سیاست کریں لیکن ملک کو تقسیم کرنے کی باتیں نہ کریں اور نہ ہی حد سے تجاوز کریں .
وزیراعظم نے کہا ہے کہ پاکستان اور اداروں کے خلاف بیان دے کر عمران خان نے حد پار کر دی ہے، حد میں رہیں تو اچھا ہوگا , بیان ثبوت ہے کہ یہ سیاست نہیں، سازش کر رہے ہیں .
انہوں نے کہا کہ عمران خان اداروں، وفاق اور اس کی اکائیوں پر حملہ آور نہ ہوں، حوصلہ کریں، آئین اور قانون کی حدیں نہ پھلانگیں . وزیراعظم کا کہنا تھا کہقوم کسی بھی قیمت پر ایسے مذموم ارادوں کو قبول کرے گی اور نہ ہی ہونے دے گی، ایسے ناپاک عزائم کو خاک میں ملائیں گے .