ڈیم فنڈ محفوظ ہے،اس حوالے سے بے بنیاد پروپیگنڈا کیا گیا، سابق چیف جسٹس ثاقب نثار

اسلام آباد(قدرت روزنامہ) سابق چیف جسٹس ثاقب نثار نے کہا کہ . ڈیم فنڈ اب بھی محفوظ ہے،اس حوالے سے بے بنیاد پروپیگنڈا کیا گیا .

پیر کو سابق چیف جسٹس پاکستان جسٹس ثاقب نثار نجی ٹی و ی سے گفتگو کرتے ہوئے کہا کہ ڈیم فنڈ اب بھی محفوظ ہے . فنڈز کےبارے ان سے متعلق بے بنیاد پروپیگنڈہ کیا گیا . پاکستان تو کیا پوری دنیا کو پانی اور صاف ہوا کی ضرورت ہے .
انہوں نے کہا جنرل ر قمر باجوہ سے ملاقات روایتی تھی،سابق آرمی چیف کی خواہش پر ملاقات ہوئی تھی . قمر جاوید باجوہ نے کہا کہ صرف آپکی خدمات پر سراہنے کےلیے آیا ہوں . انہوں نے کہا کہ ابھی پانی سر سے گزرا نہیں، ملکی معیشت کو سہارا چاہیے . پاکستان کا ہر پیدا ہونے والا بچہ ایک لاکھ سے زائد کا مقروض ہوتا ہے . انہوں نے کہا کہ جج کو مفاد، مصلحت اور خوف کا شکار نہیں ہونا چاہیے . اگر جج میں یہ تین خصوصیات ہوں گی تو وہ کبھی بھی غلط فیصلہ نہیں کر سکتا .