اسلام آباد (قدرت روزنامہ)جیو انٹرٹینمنٹ کے سُپر ہٹ ڈرامہ سیریل ’فطرت‘ میں شاندار اداکاری کرکے لکس اسٹائل ایوارڈز کی نامزدگیوں میں اپنی جگہ بنانے والی خوبرو اداکارہ صبور علی انسٹاگرام پر چھاگئیں۔
لکس اسٹائل ایوارڈز کے لیے نامزد ہونے کے بعد فوٹو اینڈ ویڈیو شیئرنگ ایپ انسٹاگرام پر موجود صبور علی کے تصدیق شدہ اکاؤنٹ پر فالوورز کی تعداد میں اضافہ ہوگیا ہے۔
صبور علی کے تصدیق شدہ انسٹاگرام اکاؤنٹ کو تین ملین یعنی 30 لاکھ صارفین نے فالو کرلیا ہے جس کے بعد وہ بھی سوشل میڈیا پر مقبول ترین اداکاراؤں کی فہرست میں شامل ہوگئی ہیں۔
اداکارہ کے انسٹاگرام اکاؤنٹ کی جانب نظر دوڑائی جائے تو اُنہوں نے اب تک 962 پوسٹس کی ہیں جن میں اُن کے فوٹو شوٹس اور مختلف پراجیکٹس کی تصویریں شامل ہیں۔
دوسری جانب صبور علی نے اپنے انسٹاگرام اکاؤنٹ سے صرف 280 صارفین کو فالو کیا ہوا ہے جن میں اُن کی بہن سجل علی، بھائی اور منگیتر علی انصاری سمیت دیگر خاص دوست شامل ہیں۔
واضح رہے کہ اداکارہ صبور علی جیو ٹی وی کے ڈرامہ فطرت میں اپنی شاندار پرفارمنس پر بہترین اداکارہ کے ایوارڈ کے لیے نامزد ہوئی ہیں۔
حکومت کی جانب سے 70 مساجد کا انتخاب کیا گیا ہے متحدہ عرب امارات (قدرت…
نوجوانوں کو جلد گرفتار کرلیں گے، ڈی پی او جنوبی وزیرستان لوئر فرمان اللہ جنوبی…
جئے پور (قدرت روزنامہ) بھارت میں بیٹی کی پسند کی شادی سے ناراض اہلخانہ نے…
کوئٹہ (قدرت روزنامہ)وزیراعلیٰ بلوچستان میر سرفراز بگٹی سے ٹرانسپورٹرز کے نمائندہ وفد کی ملاقات۔ ٹرانسپورٹروں…
اسلام آباد(قدرت روزنامہ) آئینی کلیدی عہدوں کے بعد پیپلزپارٹی نے وفاقی حکومت میں شمولیت پر…
لاہور (قدرت روزنامہ) قومی ٹیم کے فاسٹ بولر محمد عامر نے ڈومیسٹک کرکٹ کھیلے بغیر…