بنگلہ دیش اور بھارت میں سمندری طوفان، 21 افراد ہلاک
ملک کے آفات کے وزیر مملکت محب الرحمٰن نے صحافیوں کو بتایا کہ بنگلہ دیش میں سمندری طوفان میں کم از کم 10 افراد ہلاک ہوئے، ان میں چند لوگ ڈوب گئے جبکہ دوسرے گھروں کے منہدم ہونے سے ملبے تلے دب کر جاں بحق ہوگئے .
ریاست مغربی بنگال سے تعلق رکھنے والے ایک اعلیٰ سرکاری اہلکار سمیت گپتا کے مطابق پڑوسی ملک بھارت میں کم از کم 6 افراد ہلاک ہوئے، اس میں سے 3 لوگ بجلی کا کرنٹ لگنے سے جبکہ دیگر ملبے کی زد میں آکر ہلاک ہوئے .
متاثرہ علاقے کے ایک رپورٹر نے بتایا کہ طوفانی لہروں سے گاؤں تباہ ہوگئے، ٹین کی چھتیں اکھڑ گئیں، درخت جڑ سے اکھڑ گئے اور بجلی کی تاریں کٹ گئیں .
انہوں نے بنگلہ دیش میں ہونے والے نقصانات کا حوالہ دیتے ہوئے کہا کہ طوفان کے نتیجے میں کل 37 لاکھ لوگ متاثر ہوئے ہیں، طوفان سے 35 ہزار 483 گھر تباہ ہوئے اور مزید ایک لاکھ 15 ہزار 992 عمارتوں کو نقصان پہنچا ہے .
دوسری جانب بنگلہ دیش کے موسمی ماہرین نے منگل کو کہا کہ یہ مہلک طوفان سب سے زیادہ دیرپا تھا اور اس کا ذمہ دار موسمیاتی تبدیلی کو قرار دیا . . .
