شعیب ملک نے بھی آسٹریلیا کے خلاف سیمی فائنل میں شکست کے بعد خاموشی توڑ دی، پہلا بیان جاری کر دیا

دبئی (قدرت روزنامہ)قومی کرکٹ ٹیم کے آل راؤنڈر شعیب ملک نے سیمی فائنل میں شکست کے بعد اپنا پہلا پیغام جاری کیا ہے۔
شعیب ملک نے ٹوئٹر پر ورلڈکپ ٹی ٹوئنٹی کے قومی اسکواڈ کی تصویر شیئر کرتے ہوئے لکھا کہ ٹیم بنانے کیلئے مستقل مزاجی ضروری ہوتی ہے، جب ہم کھیلتے ہیں تو ایک ٹیم کی طرح فتح یاب ہوتے ہیں اور بطور ٹیم ہی شکست سے دوچار بھی ہوتے ہیں۔

– Making a team requires consistency, when we play we win as a team & we loose as a team, what matters the most is that we fight till the end and we did. This is the time to support each other and move on, chance always favors the prepared mind! #BeStrongBoys #PakistanZindabad pic.twitter.com/8JsLBHNXB9

— Shoaib Malik 🇵🇰 (@realshoaibmalik) November 12, 2021

کرکٹر نے اپنے پہلے پیغام میں کہا کہ سب سے اہم یہ ہے کہ ہم آخر تک لڑتے ہیں اور اس بار بھی ہم نے ایسا ہی کیا، یہ وقت ایک دوسرے کا ساتھ دینے اور آگے بڑھنے کا وقت ہے۔

واضح رہے کہ پاکستان نے 11 نومبر کو ورلڈکپ ٹی ٹوئنٹی کا سیمی فائنل آسٹریلیا کیخلاف کھیلا جس میں آسٹریلیا کو 19 ویں اوور میں 5 وکٹوں سے فتح حاصل ہوئی۔