اپوزیشن لیڈرکہتے اسپیکر کو تسلیم نہیں کرتا، لیکن ان کے دستخط سے عہدے کو سنبھالا ہوا، رانا ثناء اللہ

اسلام آباد (قدرت روزنامہ) وزیراعظم کے مشیر سیاسی امور سینیٹر رانا ثناء اللہ کا کہنا ہے کہ اپوزیشن لیڈرمحمود اچکزئی کہتے اسپیکر کو تسلیم نہیں کرتا، لیکن ان کے دستخط سے عہدے کو سنبھالا ہوا، اگرآپ اسپیکر کے چیمبر میں جانا گوارہ نہیں کرتے، تو بھئی! عہدہ کیوں سنبھالا ہوا، مراعات کیوں لے رہے ہو؟ انہوں نے سینیٹ اجلاس میں اظہار خیال کرتے ہوئے کہا کہ ماضی میں آپریشن ضرب عضب کے تحت دہشتگردی کا خاتمہ کیا گیا، آپریشن ضرب عضب اتفاق رائے سے شروع کیا گیا تھا۔
باقی چیزوں کو ایک طرف رکھیں اور دہشتگردی کے معاملے پر پوری قوم کو یکجا ہونا چاہیئے۔ اب معاملہ یہ ہے کہ اپوزیشن لیڈرقومی اسمبلی نے اسپیکر کے دستخط سے عہدے کو سنبھالا ہے، لیکن وہ اسپیکر کے چیمبر میں جانا گوارہ نہیں کرتے، وہ کہتے میں ان کے چیمبر میں نہیں جاؤں گا، میں ان کو اسپیکر تسلیم نہیں کرتا، بھئی یا پھر آپ کہتے کہ میں آپ کو تسلیم نہیں کرتا، اس لئے میں آپ کے دستخط سے اپوزیشن لیڈر کا عہدہ کیوں سنبھالوں؟اپوزیشن لیڈر کا عہدہ سنبھال لیا، مراعات لے رہے، لیکن اسپیکر کے چیمبر میں جاکر آپ وزیراعظم سے ملاقات کرنے کو تیار نہیں۔
آپ جس سپیکر کے دسخطوں سے اپوزیشن لیڈر کا عہدہ سنمبھال کے بیٹھے ہیں جس سپیکر کے دستخطوں سے آپ مراعات لئے رہے ہیں اس کو کہتے میں سپیکر نہیں مانتا ۔
اگر سپیکر نہیں مانتے تھے تو اس کے دستخطوں سے عہدہ کیوں قبول کیا ؟ https://t.co/XXm0D0UU5U
— Atif Rauf (@Atifrauf79) October 20, 2026
انہوں نے کہا کہ پارلیمنٹ کے مشترکہ اجلاس کے موقع پر میں خود اپوزیشن لیڈر کی سیٹ پر گیا، اور کہا کہ آپ اس ضد کو چھوڑدیں، وزیراعظم کو مل لیتے، کہتے میں ان کو تسلیم نہیں کرتا اس لئے نہیں ملوں گا۔ایپکس کمیٹی صوبائی سطح پر موجود ہیں، وہاں کورکمانڈرز وزیراعلیٰ کی زیرصدارت میٹنگ میں شرکت کرتے ہیں، لیکن وہاں پر یہ دوست شریک نہیں ہوتے۔ اسی طرح محسن نقوی نے بتایا تھاکہ ایپکس کمیٹی اجلاس میں سہیل آفریدی کو کیسے لے کر گئے تھے۔
