پی آئی اے کا عید پر کرایوں میں خصوصی 10فیصد رعایت دینے کا اعلان

کراچی(قدرت روزنامہ)پاکستان انٹرنیشنل ایئرلائن (پی آئی اے)نے عیدالاضحی کے دوران کینیڈا اور پاکستان کے درمیان چلنے والی پروازوں پر خصوصی 10 فیصد رعایت دینے کا اعلان کر دیا۔ تفصیل کے مطابق پی آئی اے کی جانب سے عید کے موقع پر بیرون ملک سفر کرنے والوں کیلئے خوشخبری کا اعلان کیا گیا ہے، جس کے تحت کینیڈا اور پاکستان کے درمیان چلنے والی مخصوص پروازوں پر 10 فیصد رعایت دینے کا فیصلہ کیا گیا ہے۔
اس اقدام کا مقصد عید کے موقع پر سفر کو مزید آسان اور سستا بنانا ہے۔ٹکٹ کی بکنگ کیلئے مسافر پی آئی اے کی آفیشل ویب سائٹ www.piac.com.pk کے زریعہ، 021-111-786-786 پر کال کر کے یا پھر کسی بھی قریبی پی آئی اے بکنگ آفس سے رابطہ کر سکتے ہیں، چونکہ رعایت صرف منتخب پروازوں پر دستیاب ہے، اس لیے جلدی فیصلہ کرنا بہتر ہوگا۔ یہ آفر فوری طور پر نافذ العمل ہے۔واضح رہے یہ رعایتی آفر 22 مئی سے 19 جون 2025 کے درمیان تمام سفر کرنے والوں کیلئے ہوگی جبکہ مسافر 5 جون 2025 تک ٹکٹ بک کروا کر اس سہولت سے فائدہ اٹھایا جا سکتا ہے۔