دیپیکا پڈوکون نے پربھاس کے ساتھ اپنی نئی فلم کا کتنے کروڑ معاوضہ وصول کیا؟
ممبئی(قدرت روزنامہ) شاہ رُخ خان کے ساتھ بلاک بسٹر فلم ’پٹھان‘ کے بعد اب دیپیکا پڈوکون ساؤتھ انڈین فلموں کے سُپر اسٹار پربھاس کے ساتھ نئی فلم ’پراجیکٹ کے‘ میں اداکاری کے جوہر دکھاتی نظر آئیں گی۔
مشہور ہدایتکار ناگ اشون کی ہدایت کاری میں بننے والی اس فلم میں باہوبلی اسٹار پربھاس اور اسٹائل کوئین ڈیپیکا پڈوکون کے ساتھ لیجنڈری اداکار امیتابھ بچن بھی جلوہ گر ہوں گے۔
بھارتی میڈیا کا دعویٰ ہے کہ دیپیکا پڈوکون کو اس فلم میں ان کی اداکاری کے لیے بھاری معاوضہ ادا کیا گیا ہے۔ بھارتی ویب سائٹ انڈیا ٹوڈے کے مطابق دیپیکا کو اُن کی آنے والی فلم ’پراجیکٹ کے‘ کیلئے 10 کروڑ روپے سے زیادہ معاوضہ دیا گیا ہے۔
View this post on Instagram
حالیہ دنوں میں دیپیکا نے عالمی سطح پر کافی شہرت حاصل کی ہے کئی بین الاقوامی لگژری برانڈ کی برانڈ ایمبیسیڈر کے طور پر نامزد ہونے کے بعد انہوں نے فیفا ورلڈ کپ کی ٹرافی کی رونمائی کر نے کا اعزاز حاصل کیا۔
View this post on Instagram
ان دنوں اداکارہ پیرس فیشن میں جلوہ گر ہو رہی ہیں جبکہ جلد ہی دیپیکا اکیڈمی ایوارڈز 2023 میں بھی بطور پریزینٹر نظر آئیں گی جو عالمی سطح پر ان کی کامیابیوں کا منہ بولتا ثبوت ہے۔
View this post on Instagram
