ایک سال سے بیروزگار زمباد مالکان کا آواران میں دھرنا

آواران(قدرت روزنامہ)آواران زمباد مالکان نے گزشتہ روز آواران پریس کلب میں پریس کانفرنس کرتے ہوئے ڈپٹی کمشنر آواران، ڈپٹی کمشنر کیچ، آئی جی ایف سی، ایم پی اے آواران خیرجان بلوچ، سینیٹر عبدالقدوس بزنجو اور وزیرتجارت جام کمال خان سے اپیل کرتے ہوئے کہا کہ آواران زمباد نوبت لسٹ گزشتہ ایک سال سے بند ہے اسے بحال کیا جائے . انہوں نے کہا کہ ایک سال سے مہنگائی کے اس عالم میں ہم بے روزگار ہوکر اپنی زندگی کیسے گزار رہے ہیں اس کا درد شاید ہی متعلقہ لوگوں کو معلوم ہو اگر معلوم ہوتا تو یوں ہمیں بے کس و یار نہیں چھوڑتے .

آواران زمباد نوبت لسٹ کی بندش سے سینکڑوں گھرانے نے نانِ شبینہ کے محتجاج ہیں . انہوں مزید کہا کہ آج سے ہمارا پر امن احتجاجی دھرنا آواران پوسٹ آفس کے سامنے ٹینٹ لگاکر شروع ہوا ہے جب تک ہمارے مطالبات نہ مانے گئے ہمارا دھرنا جاری رہے گا . . .