سپریم کورٹ: حمزہ شہباز کو گرفتار کرنے سے قبل آگاہ کرنے کا فیصلہ کالعدم

ملزم کو آگاہ کرنے کی قانون میں کوئی شرط نہیں ہے،جسٹس اعجاز الاحسن
اسلام آباد(قدرت روزنامہ)سپریم کورٹ نے حمزہ شہباز کو گرفتاری سے قبل آگاہ کرنے کا لاہور ہائیکورٹ کا حکم کالعدم قرار دیتے ہوئے اپنے حکم میں کہا ہے کہ گرفتاری سے قبل ملزم کو آگاہ کرنے کی قانون میں کوئی شرط نہیں ہے،جسٹس اعجاز الاحسن نے ریمارکس دیئے کہ گرفتاری سے قبل آگاہ کرنے کا کاہور ہائیکورٹ کا حکم خلاف قانون ہے،حمزہ شہباز کو گرفتاری سے 10 دن قبل آگاہ کرنے کا حکم عدالتی نظیر کے طور پر استعمال نا کیا جائے۔
عدالت عظمی نے لاہور ہائیکورٹ کا حکم غیر موثر ہونے کی بنیاد پر کیس نمٹا دیا ہے۔ ہائیکورٹ کے حکم کے خلاف دائر نیب درخواست کی سماعت جسٹس اعجازالااحسن کی سربراہی میں تین رکنی بینچ نے کی۔لاہور ہائیکورٹ نے حمزہ شہباز کو صاف پانی،رمضان شوگر ملز اور آمد سے زائد اثاثہ جات کیس میں گرفتاری سے قبل آگاہ کرنے کا حکم دیا تھا۔#