لاہور اسکول واقعہ: والدین کی تربیت میں کمی نظر آرہی ہے، رابی پیرزادہ

Last Updated: January 22, 2023


لاہور (قدرت روزنامہ)سابق گلوکارہ رابی پیر زادہ نے بھی لاہور کے نجی اسکول میں طالبہ پر اس کی ساتھیوں کے تشدد کے واقعے پر غم و غصے کا اظہار کیا ہے۔اپنے ٹوئٹر اکاؤنٹ پر ایک ویڈیو بیان میں رابی پیرزادہ نے کہا کہ لاہور میں پیش آنے والے واقعے میں والدین کی تربیت میں کمی نظر آرہی ہے۔


رابی پیرزادہ نے کہا کہ سب سے پہلی بات یہ ہے کہ انصاف گھر سے ملے، بچہ باہر کوئی ایسی حرکت کر کے آئے تو والدین کی ذمہ داری بنتی ہے کہ اسے سمجھائیں اور ایسی حرکتیں کرنے سے منع کریں۔
انہوں نے کہا کہ ہمارے معاشرے میں والدین بچوں کو ان کی غلطیوں پر سمجھانے کے بجائے انہیں حوصلہ دیتے ہیں، جس کی وجہ سے چھوٹی چھوٹی غلطیاں ہوتی ہیں اور کسی دن بڑا واقعہ رونما ہوجاتا ہے۔
سابق گلوکارہ نے کہا کہ آج کل کے دور میں نوجوانوں کی بربادی کی سب سے بڑی وجہ موبائل اور انٹرنیٹ ہے، کیونکہ ان میں ٹارچر کے طریقے دکھائے جاتے ہیں، والدین کو چاہیے کہ اپنے بچوں کے موبائل اکثر چیک کیا کریں۔رابی پیرزادہ نے کہا کہ ہمارے معاشرے میں جب بھی کوئی ایسا واقعہ ہوتا ہے تو انصاف عدالتوں سے نہیں ملتا۔

Tags
Last Updated: January 22, 2023