محب مرزا کو صنم سعید کے ساتھ عید کی تصاویر پر ٹرولنگ کا سامنا
کراچی(قدرت روزنامہ) پاکستان شوبز کے اداکار محب مرزا کو صنم سعید سے شادی کے بعد سوشل میڈیا پر تنقید کا نشانہ بنایا جا رہا ہے۔حال ہی میں محب مرزا نے ساتھی اداکارہ صنم سعید سے شادی کا انکشاف کرتے ہوئے سب کو حیران کر دیا تھا تاہم اس خوبصورت جوڑی کو شادی کے بعد ٹرولنگ کا سامنا کرنا پڑ رہا ہے۔
شادی کا راز کھولنے کے بعد محب مرزا نے عیدالفطر کے موقع پر اہلیہ صنم سعید کی ساتھ اپنی تصاویر سوشل میڈیا پر شیئر کیں جس پر صارفین نے اُنہیں آڑے ہاتھوں لے لیا۔
View this post on Instagram
ناقدین کا کہنا ہے کہ محب نے اپنی پہلی اہلیہ آمنہ شیخ کے ساتھ غلط کیا ہے جبکہ ایک صارف نے صنم سے نفرت کا اظہار کیا۔
View this post on Instagram
جس پر محب مرزا نے شائستگی کا مظاہرہ کرتے ہوئے نرم لہجہ اختیار کیا اور ناقدین کو سخت جواب دینے کے بجائے دعائیں دیں اور عید الفطر کی مبارکباد بھی دی۔
تاہم محب مرزا اور صنم سعید کے مداحوں نے ان کیلئے نیک تمناؤں کا اظہار کرتے ہوئے تصاویر کو بےحد پسند کیا۔یاد رہے کہ حال ہی میں محب مرزا اور صنم سعید نے اپنی شادی کی تصدیق تھی۔ محب مرزا آمنہ شیخ جبکہ صنم سعید اس سے قبل فرحان حسن کی اہلیہ تھیں تاہم انہوں نے کچھ عرصہ قبل علیحدگی اختیار کر لی تھی۔
