چیئرمین پی ٹی آئی کو سزا سنانے والے جج کو برطانیہ میں مشکلات کا سامنا
لندن(قدرت روزنامہ) چیئرمین پی ٹی آئی عمران خان کو توشہ خانہ کیس میں سزا سنانے والے جج ہمایوں دلاور کو برطانیہ میں مشکلات کا سامنا ہے۔جج ہمایوں دلاور فیصلہ سنانے کے بعد برطانیہ کے دورے پر ہیں جہاں انہوں نے یونی ورسٹی آف ہل میں بھی ایک کورس میں شرکت کی۔ تاہم تحریک انصاف کے کارکنان اور حامی جج ہمایوں دلاور کا تعاقب کررہے ہیں۔
پی ٹی آئی کارکنوں میں خواتین اور خصوصا نوجوان شامل ہیں۔ پی ٹی آئی کارکنوں کا جہاں بھی جج ہمایون دلاور سے سامنا ہوتا ہے۔ انہیں برا بھلا کہا جاتا ہے اور مغلظات بھی بکی جاتی ہیں۔ ایک موقع پر فاضل جج کی ایک خاتون سے جھڑپ بھی ہوئی۔
After the car of Judge Humayun Dilawar in Hull University … pic.twitter.com/IO68kws792
— Murtaza Ali Shah (@MurtazaViews) August 8, 2023
جج ہمایوں کو برطانوی پولیس کی طرف سے سیکیورٹی فراہم کی جارہی ہے اور انہیں کسی طرح کا جانی نقصان پہنچنے سے بچانے کی پوری کوشش کی جارہی ہے۔ ان واقعات کی سوشل میڈیا پر متعدد ویڈیوز وائرل ہورہی ہیں اور جج کے خلاف ٹوئٹر پر ٹرینڈز بھی چلائے جارہے ہیں۔
Judge Dilawar while leaving Hull University. pic.twitter.com/qmqUFphKU0
— Ihtisham Ul Haq (@iihtishamm) August 8, 2023
واضح رہے کہ جج ہمایوں دلاور نے توشہ خانہ کیس میں عمران خان کو 3 سال قید اور جرمانے کی سزا سنائی ہے۔ یاد رہے کہ پاکستان تحریک انصاف کے سمندر پار کارکنان کی جانب سے اس سے پہلے بھی بارہا کئی مواقع پر حکومتی شخصیات کا گھیراؤ کیا جاتا رہا ہے۔
Shayan Ali, along with other PTI & Imran Khan's supporters in London, extended a splendid welcome to #JudgeDilawar pic.twitter.com/8sTXKAlXQ2
— Meme Bot (@maskmansayin) August 9, 2023
