جوڈیشل کونسل ، سابق چیف جسٹس عطا بندیال ، جسٹس اعجاز کیخلاف مس کنڈکٹ کی شکایات بے بنیاد قرار

اسلام آباد (قدرت روزنامہ)سپریم جوڈیشل کونسل نے سابق چیف جسٹس عمرعطا بندیال اور جسٹس اعجاز الاحسن کے خلاف مس کنڈکٹ کی شکایات کو بے بنیاد قرار دیدیا۔
دونوں ججز کے خلاف شکایات عام شہریوں نے دائر کی تھیں، ذرائع کے مطابق جسٹس سردار طارق مسعود نے دونوں شکایات پر قانونی رائے دیتے ہوئے مس کنڈکٹ کی شکایات کو بے بنیاد قرار دیا۔
واضح رہے کہ سابق چیف جسٹس عمر عطا بندیال کیخلاف سپریم جوڈیشل کونسل میں دائر شکایت پنجاب اور خیبرپختونخوا انتخابات کیس کی بنیاد پر دائر کی گئی تھی، جس میں کہا گیا تھا کہ انتخابات سے متعلق ازخودنوٹس سے سپریم کورٹ متنازع ہوئی۔