سابق وفاقی وزیر وقار خان، مبین عالم سمیت دیگر رہنماؤں کی ن لیگ میں شمولیت

اسلام آباد (قدرت روزنامہ)سابق وفاقی وزیر وقار خان سمیت دیگر رہنماؤں نے ن لیگ میں شمولیت کا اعلان کردیا ہے، شہبازشریف کا کہنا ہے کہ مسلم لیگ (ن) ملک کی سب سے بڑی اور نمائندہ جماعت ہے .
مسلم لیگ ن کے صدر شہباز شریف سے سابق اراکین پارلیمنٹ نے ملاقات کی، جس میں رانا ثنا اللہ اور اویس لغاری بھی موجود تھے .

اس موقع پر مبین عالم، مخدوم مسعود عالم اور باسط سلطان کی ن لیگ میں شمولیت کیا اور نواز شریف اور شہباز شریف پر مکمل اعتماد کا اظہار کیا .
شہبازشریف نے سابق اراکین پارلیمنٹ کو اپنی جماعت میں شمولیت پر مبارکباد دیتے ہوئے کہا کہ انتخابات میں کامیابی حاصل کر کے عوام کو معاشی ترقی کا تحفہ دیں گے، مسلم لیگ (ن) ملک کی سب سے بڑی اور نمائندہ جماعت ہے .
سابق وفاقی وزیر وقار خان کا مسلم لیگ ن میں شمولیت کا اعلان
اس سے قبل مسلم لیگ ن خیبر پختون خوا ہے صدر امیر مقام کے ہمراہ پریس کانفرنس کرتے ہوئے سابق وفاقی وزیر وقار خان نے بھی ن لیگ میں شمولیت کا اعلان کیا اور کہا کہ ملک وقوم کوبچانےکیلئےن لیگ میں شامل ہورہا ہوں .
اس موقع پر امیر مقام کا کہنا تھا کہ ن لیگ نے ملک بھرمیں انتخابی سرگرمیاں شروع کردی ہیں، ملک کو اس وقت استحکام کی ضرورت ہے، ہمیں ملکی استحکام کیلئےمتحدہونےکی ضرورت ہے .
سابق سینیٹر وقار احمد اور خیبر پختون خواہ کے پارٹی صدر انجینئر امیر مقام نے شہباز شریف سے ملاقات کی اور ملک کی مجموعی صورتحال اور عام انتخابات کی تیاریوں کے حوالے سے امور پر تبادلہ خیال کیا .
شہبازشریف کا کہنا تھا کہ نواز شریف کی قیادت میں مسلم لیگ(ن) ہمیشہ قوم کے اعتماد اور توقعات پر پورا اتری ہے، معاشی خود انحصاری کے لئے سیاسی استحکام اور قومی کاوش درکار ہے، مہنگائی سے عوام کو نجات دلانا اولین چیلنج ہے، پاکستان اور عوام کو معاشی بدحالی سے نجات دلانا قومی ایجنڈا ہے، پاکستان کے معاشی مفادات کا تقاضا ہے کہ سیاسی استحکام سے بحرانوں کا مقابلہ کیا جائے .
دوسری جانب ن لیگ سندھ کی جانب سے مختلف سیاسی جماعتوں سے رابطوں میں تیزی دیکھی جارہی ہے، اور سینئر سیاستدانوں کو مسلم لیگ ن میں شمولیت کی دعوت بھی دی جاری ہے .
ذرائع کے مطابق ن لیگ کے رہنما شاہ محمد شاہ نے پی ٹی آئی کے سابق وزیر اصغرعلی شاہ سے ملاقات کی اور ملک میں عام انتخابات سمیت سندھ کی سیاسی صورتحال پرتبادلہ خیال کیا .
ذرائع کے مطابق لیگی رہنما نے اصغرعلی شاہ کو پارٹی میں شامل ہونے دعوت دی، تاہم اصغر علی شاہ نے حتمی فیصلے سے آگاہ نہیں کیا .