آئینی ترمیمی بل کے تمام نکات سے مطمئن ہیں، صادق سنجرانی
اسپیکر قومی اسمبلی ایاز صادق اور نائب وزیراعظم اسحاق ڈار نے بی این پی کے پارلیمانی ممبران کو مجوزہ آئینی ترمیمی بل پراعتماد میں لیا . ملاقات کے بعد صادق سنجرانی نے میڈیا سے گفتگو کرتے ہوئے کہا کہ اسپیکر قومی اسمبلی سے تفصیلی تبادلہ خیال ہوا ہے، ترمیمی بل آج یا کل کب پیش کیا جائے گا اس کا فیصلہ خصوصی کمیٹی کے اجلاس کے بعد کیا جائے گا . ایک سوال کے جواب میں صادق سنجرانی نے کہا کہ جمعیت علمائے اسلام کے سربراہ مولانا فضل الرحمان نے کہہ دیا ہے کہ ان کے پاس قوم کے لیے خوشخبری ہے، انہوں نے کہا کہ یقیناً حکومت اور قوم کے لیے اچھی خبر آنے والی ہے . انہوں نے کہا کہ حکومت نے ملاقات میں آئینی ترمیمی بل کے تمام نکات سے متعلق بی این پی اور ہمیں آگاہ کر دیا ہے جس پر ہم مطمئن ہیں . ان کا کہنا تھا کہ آج قوم کوخوشخبری ملنے کا امکان ہے، خصوصی کمیٹی اجلاس کے بعد فیصلہ کرے گی کہ آئین میں ترمیم کا بل آج پیش کیا جائے یا اسے کل تک مؤخر کیا جائے . . .
