ایس سی او کے کانفرنس کے موقعے پر کسی احتجاج کی اجازت نہیں دیں گے، رانا ثنا اللہ

اسلام آباد (قدرت روزنامہ)وزیراعظم کے مشیر اور مسلم لیگ کے سینیئر رہنما رانا ثنا اللہ نے کہا ہے کہ شنگھائی تعاون تنظیم کا اجلاس ملک کی ترقی کے لیے انہتائی اہم ہے اور ایسے موقعے پر کسی احتجاج کی صورت میں ملک کو بدنام کرنے کی اجازت نہیں دی جائے گی .

ایک نجی ٹی وی سے گفتگو کرتے ہوئے رانا ثنا اللہ نے کہا کہ پاکستان تحریک انصاف سیاسی نہیں بلکہ ملک دشمن جماعت ہے .

انہوں نے مزید کہا کہ ایس سی او کانفرنس پاکستان کی ترقی کے لیے بہت اہم ہے اور ایسے موقعے پر پی ٹی آئی کا احتجاج کا اعلان پاکستان کے خلاف ہے . انہوں نے کہا کہ سپریم کورٹ کے ججوں نے کہا تھا کہ پی ٹی آئی سیاسی جماعت ہے لیکن ایسے موقعے پر احتجاج کا فیصلہ ایک ملک دشمن فیصلہ ہے . انہوں نے کہا کہ پاکستانی کی ترقی کے لیے ایس سی او کانفرنس بہت اہم ہے مگر اس دورا ن یہ لوگ فسطائیت پھیلا رہے ہیں لیکن ملک کو بدنام کرنے کی کوئی اجازت نہیں دی جائے گی . رانا ثنا اللہ کا کہنا تھا کہ پی ٹی آئی نے ہر مرحلے پر ملک کے مفادات کے خلاف کام کیا ہے اور ان کے احتجاج کا یہ اعلان پاکستان کے خلاف ہے . رہنما مسلم لیگ کا مزید کہنا تھا کہ چیئرمین پی ٹی آئی کا اعلان تھا کہ ہم ایس سی او کانفرنس میں ساتھ ہوں گے .