فائز عیسیٰ اور ثاقب نثار دونوں نے غلط فیصلے کیے، آئینی حدود سے تجاوز کیا: مفتاح اسماعیل
اسلام آباد (قدرت روزنامہ)عوام پاکستان پارٹی کے جنرل سیکرٹری مفتاح اسماعیل نے کہا ہے کہ سابق چیف جسٹس قاضی فائز عیسیٰ اور ثاقب نثار دونوں نے غلط فیصلے کیے اور اپنی آئینی حدود سے تجاوز کیا .
جنگ فورم کے تحت کراچی کے نجی انسٹیٹیوٹ میں "پاکستان کا مستقبل: معیشت اور سیاست" کے عنوان سے سیمینار کے دوران جیو نیوز کے سوال کے جواب میں انہوں نے کہا کہ وہ سمجھتے ہیں کہ پارلیمان کے پاس یہ اختیار نہیں ہونا چاہیے کہ وہ عدلیہ کی کارکردگی پر چیک رکھے .
سیمینار کے مہمان خصوصی مفتاح اسماعیل نے کہا کہ پاکستان کی معیشت کو کئی مسائل کا سامنا ہے، مگر بجلی کے مسئلے نے معیشت کے کمر توڑدی ہے . سابق وزیر خزانہ نے کہا کہ پاکستان میں نئی نسل کے پاس وہ مواقع نہیں جو ہمارے پاس تھے . ملک میں ایلیٹ کلچر ہے . مفتاح اسماعیل کا کہنا تھا کہ فوج ایک حقیقت ہے، اس کے ساتھ کام کریں گے مگر اس کی نوکری نہیں کریں گے . . .
