ڈسٹرکٹ جیل کوئٹہ میں جلدی مرض وبائی شکل اختیار کر گیا، 350 قیدی متاثر

کوئٹہ(قدرت روزنامہ)ڈسٹرکٹ جیل کوئٹہ میں مقید 350قیدی جلد کے الرجی کی بیماری میں مبتلا ہے گزشتہ چھ ماہ سے جیل حکام باربار محکمہ صحت کو لکھ رہے ہیں لیکن اس پر کوئی عملدر آمد نہیں ہورہا ہے جس کی وجہ سے قیدیوں کو بہت زیادہ مشکلات کا سامنا ہے ڈسٹرکٹ جیل کوئٹہ کے ذرائع نے (یو این اے) نیوز ایجنسی کو بتایا کہ گزشتہ چھ ماہ سے ڈسٹرکٹ جیل کوئٹہ کے 350سے قریب قیدی جلد کے الرجی کی بیماری میں مبتلا ہیں اس حوالے سے کئی بار ڈی ایچ او کوئٹہ سمیت محکمہ صحت کو ایک درجن سے زائد لیٹر رلکھ چکے ہیں لیکن محکمہ صحت کی جانب سے ان قیدیوں کے لیے نہ تو ادویات بھیجی گئی ہے اور نہ ہی ڈاکٹرز بھیجے ہیںجس کی وجہ سے یہ قیدی بہت زیادہ پریشان ہیں ذرائع کے مطابق یہ بیماری پھیل جاتی ہے اس لیے مزید قیدی بھی اس بیماری میں مبتلا ہورہے ہیں وزیرا علی بلوچستان میر سرفراز بگٹی وزیر صحت بخت محمد کاکڑ انسانی بنیادوں پر ڈسٹرکٹ جیل کوئٹہ میں ان 350کے قریب قیدیوں کے علاج معالجے کا بندوبست کریں واضح رہے کہ ڈسٹرکٹ جیل کوئٹہ میں 1400کے قریب قیدی موجود ہیں خداراہ اس اہم مسئلے کی طرف توجہ دی جائے۔