جوڈیشل کمیشن نے لاہورہائیکورٹ کے ایڈیشنل ججز کیلئے 9 ناموں کی منظوری دے دی

لاہور (قدرت روزنامہ)جوڈیشل کمیشن نے لاہورہائیکورٹ کے ایڈیشنل ججز کے لیے 9 ناموں کی منظوری دے دی۔
ذرائع کے مطابق چیف جسٹس پاکستان جسٹس یحییٰ آفریدی کی زیرصدارت جوڈیشل کمیشن کا اجلاس ہوا، جس میں لاہورہائیکورٹ کے لیے 10 ایڈیشنل ججز کے ناموں پر غور کیا گیا۔
جوڈیشل کمیشن نے لاہورہائیکورٹ کے ایڈیشنل ججز کے لیے 9 ناموں کی منظوری دے دی گئی جبکہ دسویں نمبر کے لیے کوئی بھی امیدوار مطلوبہ ووٹ حاصل نہ کر سکا۔
جن ناموں کی منظوری دی گئی ان میں حسن نواز مخدوم، ملک وقار حیدر اعوان، سردار اکبر علی، ملک جاوید اقبال وینس اور سید احسن رضا کاظمی شامل ہیں۔
جوڈیشل کمیشن نے محمد جواد ظفر، خالد اسحاق، ملک محمد اویس خالد اور چوہدری سلطان محمود کے نام بھی منظور کرلیے۔
ایڈیشنل ججز کی تعیناتی سے متعلق اجلاس کا اعلامیہ
لاہور ہائیکورٹ میں ایڈیشنل ججز کی تعیناتی سے متعلق اجلاس کا اعلامیہ جاری کردیا گیا جس میں کہا گیا کہ جوڈیشل کمیشن کی اکثریت نے لاہور ہائیکورٹ میں 9 ایڈیشنل جج لگانے کی منظوری دی، حسن نواز مخدوم، سردار اکبر علی، ملک جاوید اقبال وینس اور ملک وقار حیدر کے ناموں کی منظوری دی، سید احسن کاظمی،محمد جواد ظفر اور خالد اسحاق کے ناموں کی منظوری دی گئی۔
اعلامیے کے مطابق جوڈیشل کمیشن نے ملک اویس خالد اور سلطان محمود کے ناموں کی بھی منظوری دی، اجلاس کے آغاز پر ممبر جوڈیشل کمیشن ایڈوکیٹ اختر حسین کی اہلیہ کے لیے فاتحہ خوانی کی گئی۔
اس سے قبل جوڈیشل کمیشن آف پاکستان کو 10 ایڈیشنل ججز کے لیے 49 نامزدگیاں موصول ہوئی تھیں، 10 ایڈیشنل ججز کی تعیناتی کے لیے 4 ڈسٹرکٹ سیشن ججز اور 45 سینئر وکلا کے ناموں پر غور کیا گیا۔
اجلاس کے دوران ڈسٹرکٹ سیشن جج قیصر نذیر بٹ، محمد اکمل خان، جزیلہ اسلم، ابہر گل خان کے ناموں پر غور کیا گیا جبکہ اجلاس میں ایڈووکیٹ عدنان شجاع بٹ، ایان طارق بھٹہ، امبرین انور راجہ کے ناموں پر غور کیا گیا۔
اجلاس کے دوران اسد محمود عباسی، عصمہ حامد، بشریٰ قمر، اقبال احمد خان، سلطان محمود، غلام سرور، حیدر رسول مرزا، حارث عظمت، حسیب شکور پراچا، حسن نواز مخدوم، ہماں اعجاز زمان، خالد اسحٰق، ملک جاوید اقبال، ملک محمد اویس خالد کے ناموں پر غور کیا گیا۔
جوڈیشل کمیشن نے ملک وقار حیدر اعوان، میاں بلال بشیر، مغیث اسلم ملک، محمد اورنگزیب خان، محمد جواد ظفر، محمد نوید فرحان، نوازش علی پیرزادہ، ساجد خان تنولی، ثاقب جیلانی، محمد زبیر خالد، منور السلام، مقتدر اختر شبیر، مشتاق احمد مہل، نجف مزمل خان، نوید احمد خواجہ کے ناموں پر غور کیا گیا۔
علاوہ ازیں، قادر بخش، قاسم علی چوہان، رافع زیشان جاوید الطاف، رانا شمشاد خان، رضوان اختر اعوان، صباحت رضوی، سلمان احمد، سمیعہ خالد، سردار اکبر علی، شیغن اعجاز، سید احسن رضا کاظمی، انتخاب حسین شاہ اور عثمان اکرم ساہی کے نام بھی زیر غور آئے۔