12 سال سے اپنی سالگرہ اکیلے منا رہی ہوں، گووندا کی بیوی کا انکشاف

اسلام آباد (قدرت روزنامہ)بالی ووڈ کے اسٹار اداکار گووندا اور ان کی اہلیہ سنیتا آہوجا کے درمیان علیحدگی کی قیاس آرائیوں کے درمیان گووندا کی شریک حیات کا اہم بیان سامنے آگیا۔
ایسے وقت میں جب خبروں کے مطابق بالی ووڈ اسٹار گووندا اور ان کی اہلیہ طلاق کی طرف بڑھ رہے ہیں، سنیتا آہوجا نے ایسی تمام خبروں کے غبارے سے ہوا نکال دی ہے۔
طلاق کی ان قیاس آرائیوں کے درمیان سنیتا آہوجا کی ایک ویڈیو سوشل میڈیا پر وائرل ہوئی ہے، جس میں انہیں علیحدگی کے کسی بھی دعوے کو سختی سے مسترد کرتے دیکھا جا سکتا ہے۔
اس وائرل کلپ میں وہ زور دے کر کہتی ہیں کہ اُن کے اور گووندا کے درمیان کوئی نہیں آسکتا۔
سنیتا نے پہلے بتایا تھا کہ وہ اور گووندا الگ الگ گھروں میں رہتے ہیں، جس کی وجہ سے ازدواجی پریشانی کی افواہیں پھیلی تھیں۔
انہوں نے یہ بھی انکشاف کیا کہ وہ 12 سال سے اپنی سالگرہ اکیلے ہی منا رہی ہیں، جس سے قیاس آرائیوں کو مزید ہوا ملتی ہے۔
وائرل ویڈیو میں سنیتا کہتی ہیں دنیا میں کوئی ہے مائی کا لال جو مجھے اور گووندا کو الگ کر دکھائے۔