’عائزہ خان کا ہانیہ عامر کے ساتھ مقابلہ جاری‘، صارفین کی اداکارہ کے لباس پر سخت تنقید
کراچی (قدرت روزنامہ)معروف اداکارہ عائزہ خان کے لباس نے سوشل میڈیا پر مداحوں کے درمیان گرما گرم بحث چھڑا دی ہے۔
چاند رات پر اداکارہ کو پیلے رنگ کے لباس اور میچنگ اسکارف میں دیکھا گیا جبکہ عید کے دن انہوں نے لائلک رنگ پہن رکھا تھا جس سے ایک بار پھر ان کا اسٹائل سب کی توجہ کا مرکز بن گیا۔ جہاں بہت سے لوگوں نے ان کی خوبصورتی کی تعریف کی وہیں ان کے ملبوسات پر آن لائن تنقید بھی کی گئی۔
یہ بحث اس وقت مزید زور پکڑ گئی جب اداکارہ کا ایک پرانا ویڈیو کلپ دوبارہ وائرل ہوا جس میں وہ ٹی وی شو پر کھلے لباس پہننے میں اپنی بے چینی کا اظہار کر رہی تھیں۔ اداکارہ نے کہا تھا کہ وہ اور ان کا خاندان، بشمول ان کے شوہر، اعتدال پسند اور سادہ لباس کو ترجیح دیتے ہیں اور اگر کوئی لباس آرام دہ نہیں تو اسے نہیں پہننا چاہیے۔
حال ہی میں ان کی تصاویر وائرل ہوئیں جن میں وہ بغیر آستین والے لباس میں نظر آئیں جس پر مداحوں نے ان کا ماضی کے بیانات سے موازنہ شروع کر دیا اور سوال کیا کہ آیا یہ ان کی ذاتی پسند میں تبدیلی ہے یا وجہ کچھ اور ہے؟
حرا نامی صارف نے کہا کہ عائزہ کا ہانیہ عامر کے ساتھ سخت مقابلہ ہے۔ جبکہ ایک اور صارف نے کہا کہ یہ آہستہ آہستہ حرا مانی جیسی بن جائیں گی۔
سوشل میڈیا پر مداح دو حصوں میں تقسیم نظر آئے کچھ نے ان کی تبدیلی پر تنقید کی اور ان سے اپنی پرانی شناخت پر قائم رہنے کا کہا جبکہ کچھ نے کہا کہ یہ فیشن کے انتخاب میں قدرتی تبدیلی ہو سکتی ہے اور اداکارہ کے انداز میں تبدیلی غیر معمولی نہیں۔
