شہباز شریف سے سوال کیا جاتا ہے تو کہتے ہیں میرے بیٹوں سے پوچھیں،شہزاد اکبر
(قدرت روزنامہ)مشیر داخلہ و احتساب شہزاد اکبر نے لاہو رمیں پریس کانفرنس کرتے ہوئے کہا ہے کہ چالان جمع ہونے کے بعد شہباز شریف کے ضمانت کے معاملے کو دیکھیں گے،
شہزاد اکبر کا کہنا تھا کہ شہباز شریف نے آج تک نیب اور ایف آئی اے کو جواب نہیں دیا ضمانت کے لیے ملزم کا عدالت میں پیش ہونا ضروری ہوتا ہے شہباز شریف کیس میں ایف آئی اے اگلے ہفتے چالان جمع کرائے گا ایون فیلڈ ریفرنس کو التوا میں ڈالنے کی کوشش کی گئی، عدلیہ کو آج بھی متنازعہ بنانے کی کوشش کی جارہی ہے، رانا شمیم نے عدالت میں بیان دیا کہ میں بیان حلفی کسی کو بھی نہیں دیا،بیان حلفی نواز شریف کے دفتر میں بنایا گیا،ن لیگ عوام کو عدالت سے باہر نکل کر گمراہ کرتی ہے،
شہزاد اکبر کا مزید کہنا تھا کہ شہبازشریف کورونا کی وجہ سے عدالت میں پیش نہیں ہوئے، آج تک شہباز شریف سے ایف آئی اے کو کیس سے متعلق جواب موصول نہیں ہوا،شہباز شریف ،جسٹس قیوم اور سیف اللہ کی ریکارڈنگ تاریخ کا حصہ ہے رانا شمیم کا ضمیر اتنی دیر بعد کیوں جاگا؟ رانا شمیم حلف نامہ کا مقصد اسلام آباد میں ایک کیس کی سماعت پر اثر انداز ہونا تھا،شہباز شریف سے جب سوال کیا جاتا ہے تو کہتے ہیں میرے بیٹوں سے پوچھیں،
شہزاد اکبر کا مزید کہنا تھا کہ مریم نواز نے اسلام آباد میں کیس کو التوا میں ڈالنے کی بڑی کوشش کی گئی پہلا حملہ آڈیو والا تھا وہ ناکام ہو گیا،بیان حلفی کے متن کی کچھ باتیں حقیقت سے مطابقت نہیں رکھتی،لندن میں بات ہو رہی تھی کہ نواز شریف اقتدار میں آ کر ان کو کسی عہدے پر نوازیں گے،عدلیہ کو آج بھی متنازعہ بنانے کی کوشش کی جا رہی ہے
