کورونا ویکسین کی دوسری خوراک کم وقت کے وقفے کے بعد لگوائی جا سکتی ہے : ڈاکٹر فیصل سلطان

اسلام آباد(قدرت روزنامہ) وزیر اعظم کے معاون خصوصی ڈاکٹر فیصل سلطان نے کورونا وائرس سے تحفظ فراہم کرتی ویکسین کی دوسری خوراک کے وقت کی تفصیلات سے آگاہ کردیا ۔تفصیلات کے مطابق وزیر اعظم کے معاون خصوصی ڈاکٹر فیصل سلطان نے سماجی رابطے کی ویب سائٹ ٹویٹر پر بتایا ہے کہ کورونا ویکسین کی دوسری ڈوز کیلئے ایس ایم ایس کے انتظار کی ضرورت نہیں، دوسری خوراک کم سے کم تین ہفتوں بعد لگوائی جا سکتی ہے ۔ڈاکٹر فیصل سلطان نے کہاکہ سائنو فام تین ہفتے کے بعد جبکہ سائنو ویک ، آسٹرازینکا چار ہفتے کے وقفے کے بعد لگو ائی جا سکتی ہے ۔

Covid vaccination – 2nd dose info

You can get 2nd dose of the vaccine ANYTIME after the minimum time interval has elapsed

Sinopharm – 3 wks
Sinovac & Astrazeneca- 4 wks

Don’t need to wait for reminder SMS from 1166 (comes after 6 wks fr Sinopharm & Sinovac & 12 wks fr AstraZ)

— Faisal Sultan (@fslsltn) August 9, 2021

خیال رہے کہ پاکستان میں اس وقت انسداد کورونا کی چینی ویکسین کے علاوہ ایسٹرازینیکا ، ، کینسینو اور فائزر بھی استعمال کی جارہی ہے۔ ملک بھر میں40 سال سے زائد عمر افراد کی ویکسینیشن کا آغاز3 مئی سےہوا تھا ۔ملک بھر میں کو رونا وائرس کے خلاف ویکسین لگوانے والے افراد کی تعداد تین کروڑ سے تجاوز کرگئی ہے۔