اداکارہ ایشا گپتا نے بالی ووڈ کے حوالے سے نیا پنڈورا باکس کھول دیا
اسلام آباد (قدرت روزنامہ)بالی ووڈ کی خوبرو اداکارہ وماڈل ایشا گپتا نے بھارتی فلمی نگری کے حوالے سے انکشافات کرکے نیا پنڈورا باکس کھول دیا۔بھارتی میڈیا رپورٹس کے مطابق ایشا گپتا نے حال ہی میں ایک انٹرویو کے دوران انکشاف کیا کہ فلمی کیریئر کے آغاز میں مجھے اپنی ناک کی سرجری کروانے کو کہا گیا لیکن میں نے کہا کہ میری ناک گول ہے اور ایسے ہی ٹھیک ہے۔
بالی ووڈ اداکارہ نے بتایاکہ خوبصورت نظر آنے کے لیے انجکشن لگوانے کے مشورے ملے اور کئی بار تو میں ان باتوں میں بھی آگئی، معلوم کرنے پر پتا چلا کہ اس طرح کے انجکشن کی قیمت 9000 روپے ہے۔
View this post on Instagram
انہوں نے کہا کہ جس نے بھی مشورہ دیا اس کا نام نہیں لوں گی لیکن آپ کو ہماری بہت سی اداکارائیں ملیں گی جن کا رنگ گورا ہے۔
View this post on Instagram
ایشا گپتا نے بھارتی فلمی نگری میں گوری رنگت کے حوالے سے بات کرتے ہوئے کہاکہ اداکاروں پر خوبصورت نظر آنے کا بہت زیادہ دباؤ ہوتا ہے، میں کبھی نہیں چاؤں گی کہ میری بیٹی اداکار بنے ورنہ اسے چھوٹی عمر سے ہی خوبصورت نظر آنے کے دباؤ کا سامنا کرنا پڑے گا۔
ایشا گپتا نے مزید کہاکہ وہ اپنی زندگی عام لوگوں کی طرح نہیں گزار سکے گی، میں چاہتی ہوں کہ وہ ایک کھلاڑی بن جائے، اسے زیادہ پڑھائی بھی نہیں کرنی پڑے۔
