کے الیکٹرک صارفین کیلئے ایک اور اچھی خبر

کراچی (قدرت روزنامہ)کے الیکٹرک صارفین کے لیے ایک اور اچھی خبر سامنے آگئی۔ تفصیلات کے مطابق شہر قائد کے بجلی صارفین کے لیے بجلی 4 روپے 62 پیسے فی یونٹ سستی ہونے کا امکان ہے۔کے الیکٹرک کی جانب سے ستمبر کی ماہانہ فیول ایڈجسٹمنٹ کی مد میں نیپرا میں درخواست دائر کی گئی۔

نیپرا کے الیکٹرک کی درخواست پر 25 اکتوبر کو سماعت کرے گاجس کے بعد کمی کے حوالے سے حتمی فیصلہ کیا جائے گا۔نیپرا کی جانب سے درخواست کی منظوری کی صورت میں کے الیکٹرک صارفین کو 7 ارب 74 کروڑ روپے کا ریلیف ملے گا۔ یاد رہے کہ گزشتہ روز نیپرا نے کے الیکٹرک کے اگست کے ماہانہ فیول چارجز ایڈجسٹمنٹ کی مد میں 4 روپے 89 پیسے فی یونٹ کمی کی منظوری دی تھی۔