کراچی میں بجلی سستی ہونے کا امکان

کراچی (قدرت روزنامہ)کے الیکٹرک صارفین کے لیے اچھی خبر ہے کہ کراچی میں بجلی سستی ہونے کا امکان ہے۔کے الیکٹرک کی جانب سے نیپرا میں جولائی تا ستمبر کی سہ ماہی ایڈجسٹمنٹ کی درخواست دائر کی گئی ہے۔
کراچی میں سہ ماہی ایڈجسٹمنٹ کی مد میں بجلی 7 روپے 83 پیسے فی یونٹ سستی ہونے کا امکان ہے۔اکتوبر کی ماہانہ ایڈجسٹمنٹ کی مد میں بھی بجلی 1 روپے 88 پیسے سستی ہونے کا امکان ہے۔
ماہانہ فیول ایڈجسٹمنٹ سے کے الیکٹرک صارفین کو 3 ارب 15 کروڑ 70 لاکھ روپے کا ریلیف ملے گا۔نیپرا کے الیکٹرک کی درخواستوں پر 30 نومبر کو سماعت کرے گا۔