فواد چوہدری نے پی ڈی ایم کو اسمبلیاں توڑنے کی ڈیڈ لائن دیدی

لاہور (قدرت روزنامہ)پاکستان تحریکِ انصاف (پی ٹی آئی) کے رہنما فواد چوہدری کا کہنا ہے کہ پاکستان ڈیموکریٹک موومنٹ (پی ڈی ایم) 20 دسمبر تک عام انتخابات کا فارمولا نہیں لاتی تو پنجاب اور کے پی اسمبلیاں توڑ دی جائیں گی . یہ بات انہوں نے سماجی رابطے کی ویب سائٹ ٹوئٹر پر جاری کیے گئے پیغام میں کہی ہے .

فواد چوہدری نے کہا ہے کہ پنجاب اور خیبر پختون خوا میں 20 مارچ سے پہلے عام انتخابات کا عمل مکمل ہو گا، اس ضمن میں اتحادیوں کا مکمل اعتماد حاصل ہے .

اگر PDM بیس دسمبر تک ملک بھر میں عام انتخابات کا کوئ حتمی فارمولا سامنے نہیں لاتی تو پنجاب اور خیبر پختونخواہ اسمبلیاں تحلیل کر دی جائیں گی اور پنجاب اور خیبر پختونخواہ میں بیس مارچ سے پہلے عام انتخابات کا عمل مکمل ہو گا . اس ضمن میں اتحادیوں کا مکمل اعتماد حاصل ہے

— Ch Fawad Hussain (@fawadchaudhry) December 11, 2022

انہوں نے کہا کہ امپورٹڈ حکومت کے اکابرین الیکشن نہیں چاہتے، لیکن ملک کیسے چلانا ہے کوئی پتہ نہیں .
فواد چوہدری کا مزید کہنا ہے کہ صرف وزیر بنانے اور بیرونی دورے کرنے سے ملک نہیں چلتے، یہ پیچیدہ اور مشکل کام ہے جس کی اہلیت ان حکمرانوں میں نہیں . ان کا یہ بھی کہنا ہے کہ پاکستان کو سیاسی استحکام کی ضرورت ہے جو مستحکم حکومت کے بغیر ممکن نہیں .