راولاکوٹ میں آپریشن، 4 دہشتگرد ہلاک، 2 اہلکار شہید، 20 زخمی

راولپنڈی(قدرت روزنامہ)آزاد کشمیر کے شہر راولاکوٹ میں قانون نافذ کرنے والے اداروں کے ایک کارروائی کے دوران 4 دہشتگرد مارے گئے، 2 اہلکار شہید اور 20 زخمی ہوئے ہیں۔
آزاد کشمیر کے ضلع راولاکوٹ کے حسین کوٹ علاقے میں قانون نافذ کرنے والے اداروں نے آپریشن کیا۔ پولیس نے بتایا کہ فائرنگ کے تبادلے میں 4 دہشتگرد ہلاک ہوئے۔ دہشتگردوں کی جانب سے گولہ باری اور دستی بم حملے میں 2 پولیس اہلکار شہید اور 20 زخمی ہوئے۔
ایس ایس پی راولاکوٹ کے مطابق ہلاک شدہ تمام چار دہشتگرد قتل کے مقدمات میں مطلوب تھے۔ آپریشن کے دوران 2 پولیس اہلکار شہید اور 20 زخمی ہوئے۔
پولیس نے بتایا کہ دہشتگرد حسین کوٹ کے جنگل میں ایک غار میں پناہ لیے ہوئے تھے۔ انہیں آزاد کشمیر میں دہشت گردی کی کارروائیاں کرنے کی منصوبہ بندی کی اطلاعات موصول ہوئی تھیں۔
مارچ 2025 میں خیبر پختونخوا کے مختلف تھانوں پر دہشت گردوں نے متعدد حملے کیے جن میں قانون نافذ کرنے والے اہلکاروں کو شدید نقصان پہنچا۔
عالمی دہشت گردی انڈیکس 2025 کے مطابق پاکستان دنیا میں دہشت گردی کے لحاظ سے دوسرے نمبر پر ہے، جہاں گزشتہ ایک سال میں دہشت گردانہ حملوں میں ہونے والی ہلاکتوں میں 45 فیصد اضافہ ہوا ہے اور مجموعی طور پر 1081 افراد مارے گئے ہیں۔