بختاور بھٹو کو گلف نیوز کی رپورٹر ثناء جمال پر تنقید کرنا مہنگا پڑ گیا

کراچی (قدرت روزنامہ) سابق صدر آصف زرداری کی صاحبزادی بختاور بھٹو زرداری کو گلف نیوز کی رپورٹر ثناء جمال پر طنز کرنا مہنگا پڑ گیا کیونکہ ان کے طنزیہ جواب پر سوشل میڈیا صارفین چپ نہ رہ سکے اور انہوں نے بختاور بھٹو کو آڑے ہاتھوں لے لیا۔صارفین نے بختاور بھٹو پر تنقید کیساتھ گلف نیوز کی نامہ نگار کے حق میں بیان دیتے ہوئے کہا ہے کہ ہر شخص اپنی رائے میں آزاد ہے۔
واضح رہے کہ قومی اسمبلی میں حزب اختلاف کی جماعتوں کی جانب سے وزیراعظم عمران خان کے خلاف جمع کرائی گئی تو تحریک عدم اعتماد پر اپنے تحفظات کا اظہار کرتے ہوئے گلف نیوز کی نامہ نگار ثناء جمال نے کہا ہے کہ وزیراعظم کے خلاف تحریک عدم اعتماد اصل میں پاکستان کے خلاف ہے۔ثناء جمال نے سماجی رابطوں کی ویب سائٹ ٹوئٹر پر پیغام جاری کرتے ہوئے لکھا ہے کہ یہ وقت عمران خان بمقابلہ حزب اختلاف نہیں ہے۔ بلکہ یہ پاکستان بمقابلہ کرپٹ سیاسی خاندان ہیں۔

Itʼs not Imran Khan vs opposition at this point. Itʼs Pakistan vs corrupt political dynasties.

— Sana Jamal (@Sana_Jamal) March 19, 2022

تاہم بختاور بھٹو زرداری نے گلف نیوز کی رپورٹر ثناء جمال پر طنز کرتے ہوئے جوابی ٹوئٹ میں لکھا کہ ایک نام نہاد صحافی کی جانب سے اس طرح کھلے عام متعصبانہ ٹوئٹس پر گلف نیوز کو نوٹس لینا چاہیے۔ بختاور بھٹو زرداری نے مزید لکھا ہے کہ آپ آنکھوں سے نابینا ہیں آپ کی ہمت کیسے ہوئی کہ مفروضوں کی بنیاد پر الزامات لگاسکتی ہیں؟ سابق صدر کی صاحبزادی کا کہنا ہے کہ آپ کی معلومات کے لیے بتانا چاہتی ہوں کہ اپنے کرپشن کے پیسوں کا جواب نہ دینے کے لیے صرف ایک شخص عدالتوں سے چھپتا پھر رہا ہے اور وہ ہے عمران خان۔

Perhaps one should complain to @gulf_news on such openly biased tweets by a so called journalist. How dare you make allegations based on your blind fan girl assumptions? Only politician hiding from courts where money cannot be traced is Imran Khan & FYI peoples mandate > you. https://t.co/CkyGJ0wZPG

— Bakhtawar B-Zardari (@BakhtawarBZ) March 19, 2022

سوشل میڈیا صارفین نے بختاور بھٹو زرداری کے ٹوئٹ پر ردعمل دیتے ہوئے کہا ہے کہ ہر شخص کا اپنا ایک رائے ہوتی ہے اور وہ اپنی رائے کا استعمال کہیں بھی کسی کے لیے بھی کرسکتا ہے ، اگر کوئی شخص کسی ادارے سے منسلک ہے تو اس کا ہرگز یہ مطلب نہیں کہ وہ اپنی سوچ کر سمیٹ کر الماری میں بند کردے۔ ثناء جمال گلف نیوز کی کارکن بعد میں ہے پہلے وہ ایک جیتی جاگتی باشعور انسان ہے۔ اور آپ کسی بھی باشعور انسان کو سوچنے یا بولنے سے نہیں روک سکتے ۔سوشل میڈیا صارفین نے مزید کہا ہے کہ ثناء جمال نے اپنے ٹوئٹ میں کسی کا نام نہیں لیا ہے ، کرپٹ سیاسی خاندان اور پاکستان کا ذکر کیا ہے ، اور اگر آپ کرپٹ نہیں ہیں تو پھر تو یہ آپ کا مسئلہ ہی نہیں کہ ثناء جمال نے کسی خاندان کو کرپٹ کہا ہے۔
خیال رہے کہ بلاول اور آصفہ کی نسبت بختاور بھٹو زرداری سوشل میڈیا پر کافی ایکٹیو رہتی ہیں اور ان کی متعدد پوسٹیں وائرل بھی ہوتی ہیں۔ گزشتہ دنوں بھی انہوں نے اپنے بیٹے میر حاکم علی کی سابق وزیراعظم بینظیر بھٹو کے ہمراہ تصویر پوسٹ کی تھی جس میں نواسے اپنی مرحومہ نانی کو نہایت محبت بھری نگاہوں سے دیکھ رہے تھے یہ تصویر سوشل میڈیا پر کافی وائرل ہوئی تھی اور لوگوں نے اس تصویر کو بہت پسند کیا تھا۔
یہاں یہ بتاتے چلیں کہ بختاور بھٹو زرداری سابق وزیر اعظم بینظیر بھٹو کی بڑی صاحبزادی ہیں لیکن وہ اپنے بھائی بلاول بھٹو سے کم عمر ہیں۔ ان کو یہ اعزاز بھی حاصل ہے کہ وہ ایسے وقت میں پیدا ہوئیں جب کہ ان کی والدہ وزارت عظمیٰ کے عہدے پر براجمان تھیں۔ اس طرح بختاور بھٹو زرداری حاضر سروس وزیر اعظم کے ہاں پیدا ہونے والی دنیا کی پہلی بچی کا اعزاز بھی رکھتی ہیں، ان کی پیدائش کے وقت بینظیر بھٹو نے وزارت عظمیٰ سے چھٹیاں لی تھیں۔