حریم فاروق کا احسن اقبال کے ٹوئٹ پر اظہارِ برہمی
اسلام آباد (قدرت روزنامہ)پاکستان شوبز انڈسٹری کی معروف اداکارہ حریم فاروق نے عمران خان کا انٹرویو لینے پر وفاقی وزیر احسن اقبال کی جانب سے پاکستان کی انٹرٹینمنٹ انڈسٹری کا مذاق اڑائے جانے پر برہمی کا اظہار کیا ہے۔
حریم فاروق نے مائیکروبلاگنگ ویب سائٹ ٹوئٹر پر احسن اقبال کے ٹوئٹ پر اپنے ردِ عمل دیا، اُنہوں نے احسن اقبال کو مخاطب کرتے ہوئے سوال کیا کہ ’کیا آپ یہ کہہ رہے ہیں کہ پاکستانی انٹرٹینمنٹ انڈسٹری ایک مذاق ہے؟‘
Are u implying that Pak entertainment industry is a joke? With all due respect i i think you aren’t aware ur ent industry is working hard day & night without any support or recognition frm the govt for building a positive & powerful image globally unlike our politics (contd) https://t.co/3JeAD4OnFe
— Hareem Farooq (@FarooqHareem) May 5, 2022
اُنہوں نے مزید لکھا کہ’بہت احترام کے ساتھ لیکن مجھے لگتا ہے کہ آپ کو اس بات کا علم نہیں ہے کہ سیاست کے برعکس ہماری انٹرٹینمنٹ انڈسٹری عالمی سطح پر ایک مثبت کردار ادا کررہی ہے۔‘
انہوں نے مزید لکھا کہ’یہ پاکستان کے لیے زیادہ فائدہ مند ہوگا اگر انٹرٹینمنٹ انڈسٹری اور حکومت ایک دوسرے کا مذاق اڑانے کے بجائے ایک دوسرے کے ساتھ مل کر کام کریں۔‘ساتھ ہی انہوں نے احسن اقبال کو یہ احساس بھی دلایا کہ آپ اپنی انٹرٹینمنٹ انڈسٹری کی طاقت کو جانیں۔
It would be far more beneficial for pak if the ent industry & the govt worked hand in hand rather than ridiculing each other for personal gains. Realise the power of your ent industry already 🙏
— Hareem Farooq (@FarooqHareem) May 5, 2022
خیال رہے کہ کچھ روز قبل اداکار شان کے عمران خان کا انٹرویو لینے پر وفاقی وزیر احسن اقبال نے ٹوئٹر پر اپنے ردِعمل کا اظہار کیا تھا۔
اُنہوں نے اپنے ٹوئٹ میں لکھا تھا کہ’عمران خان کا انٹرویو کرنے کے لیے کسی پیشہ ور صحافی کے بجائے انٹرٹینمنٹ انڈسٹری کا استعمال کرنے کا مطلب یہ ہے کہ انٹرویو تفریح کا حصّہ تھا اور اسے سنجیدگی سے نہیں لیا جانا چاہیے۔‘
